پٹنہ (آئی این ایس انڈیا)آر جے ڈی رہنما تیج پرتاپ یادو نے ٹویٹ کرکے وزیر اعظم نریندر مودی اور مرکزی وزیر داخلہ امیت شاہ کو نشانہ بنایا۔ انہوں نے ٹویٹ کرکے پوچھا ہے کہ صاحب تھیلالے کر کب نکلیں گے؟تیج پرتاپ نے ٹویٹ کیا اور کہاہے کہ صاحب آپ تھیلا کب نکالیں گے؟ صاحب: رکو، مجھے تھوڑا بھاری ہونے دو! کیا آپ خالی لیں گے؟ آر جے ڈی کے قومی صدر لالو یادو کے کہنے پر پارٹی نے بنگال میں ترنمول کانگریس (ٹی ایم سی) کو غیر مشروط مدد دی ہے۔ مغربی بنگال میں ووٹنگ کے دوران کوچ بہار میں تشدد ہوا۔ اس دوران فائرنگ میں چار افراد ہلاک ہوگئے۔ الیکشن کمیشن نے تشدد کے بعد سخت اقدامات اٹھائے ہیں۔ ہفتہ کو بنگال میں اسمبلی انتخابات کے دوران کمیشن نے کچھ پابندیاں عائد کردی ہیں۔ امن و امان کی مزید خراب صورتحال کے امکان سے بچنے کے لیے الیکشن کمیشن نے آئندہ 72 گھنٹوں کے لئے کوچ بہار میں قائدین کے داخلے پر پابندی عائد کردی ہے۔
