سرینگر (آئی این ایس انڈیا)لداخ خطے کو باقی ملک سے جوڑنے والی سرینگر۔لیہ شاہراہ پر برف ہٹانے کا کام مکمل ہوچکا ہے، اب سڑک کو ٹریفک کے لئے کھول دیا گیا ہے۔ زوجیلا پاس پر کئی فٹ اونچی برف کاٹ کر سڑک کو سفر کے قابل بنا دیا گیا ہے۔ 21 اپریل کو پہلی ٹرین کھانے کی اشیاء کے ساتھ کارگل کے لئے روانہ ہوئی۔بارڈر روڈس آرگنائزیشن کے چیف لیفٹیننٹ جنرل راجیو چودھری، وی ایس ایم، ڈی جی بی آر نے عہدیداروں کی تعریف کرتے ہوئے کہا کہ اس سال ریکارڈ 110 دن کے لئے سڑک کو کھولنے کی ایک بہت بڑی کوشش کی گئی۔ 11650 فٹ کی بلندی پر بنائے گئے زوجیلا پاس پر انتہائی مشکل حالات میں، بیکن عہدیداروں اور مزدوروں نے دن رات محنت کی ہے اور اس سڑک کو ٹریفک کے لئے کھول دیا ہے۔
سڑک کا افتتاح عام عوام اور لداخ کی فوج دونوں کے لئے راحت کا باعث ہے، کیونکہ اب لداخ کے لئے اشیاء خوردونوش، پیٹرول اور ڈیزل کے ساتھ ساتھ فوجی سازوسامان کی فراہمی آسان ہوجائے گی۔ سڑک کے کھلنے کے باعث کارگل اور دراس کے لوگوں میں خوشی کی لہر دوڑ گئی ہے۔کورونا دور میں لوگوں نے سڑک کے کھلنے سے راحت کا سانس لی ہے۔ دراس کے رہائشی محمد اکبر کے مطابق سڑک کے کھلنے کے بعد ان کے لئے ایک نئی زندگی کا آغاز ہوگا، کیوں کہ اس کے پاس پچھلے تین ماہ سے سبزیوں اور دیگر سامان کی قلت تھی۔
