کورونابحران اورلاک ڈاؤن کے بیچ ملک کے کئی علاقوں میں خوفناک سڑک حادثے کی خبریں آرہی ہیں۔مئی کے مہینے میں کوروناوائرس کے ساتھ سڑک حادثے بھی قہربن کرابھراہے۔ لاک ڈاؤن کے بیچ ملک مہاجرمزدورلگاتارسڑک حادثوں کاشکارہورہے ہیں۔صبح اتر پردیش میں خوفناک حادثے کے بعد اب مدھیہ پردیش سے بھی ایک شدید سڑک حادثہ کی خبر سامنے آ رہی ہے۔اس حادثے میں 5 مہاجر مزدوروں کی موت ہو گئی ہے۔
جانکاری کے مطابق ساگر-کانپور راستے کے چھانویلا تھانہ تحت نوار گھاٹی سیمرا پل کے قریب مزدوروں سے بھرا ایک ٹرک پلٹ گیا ہے، اس حادثے میں 20 مزدوروں زخمی ہو گئے ہیں وہیں 5 کی موت ہو گئی ہے۔اس کے علاوہ کچھ زخمی مزدوروں کی حالت سنگین بھی بتائی جا رہی ہے۔واقعہ کے بعد موقع پر پولیس اور انتظامی افسران پہنچ گئے ہیں۔مقامی لوگوں کی مدد سے زخمیوں کواسپتال پہنچایا گیا ہے۔
मां के शव के पास बच्चे बिलख रहे हैं,इससे ज्यादा हृदयविदारक क्या होगा मप्र में एक और सड़क हादसा 5 मज़दूरों की मौत,19 घायल #MigrantWorkers सब मुंबई @OfficeofUT से @myogiadityanath यूपी लौट रहे थे @ndtvindia @ndtv #Covid_19india #Lockdown3 #lockdownextension @RahulGandhi @INCIndia pic.twitter.com/tzokFqJV2j
— Anurag Dwary (@Anurag_Dwary) May 16, 2020
رپورٹ کے مطابق یہ حادثہ ساگر سے چھتر پور کی طرف جا رہے ٹرک کے پلٹنے سے ہوا ہے۔ اس میں حادثے میں 20 افراد زخمی بتائے جارہے ہیں۔زخمیوں کو مقامی اسپتال میں داخل کرایا گیا ہے۔حادثہ کی اطلاع ملتے ہی ساگر اور چھتر پور دونوں ضلعوں کے پولیس اہلکارموقع پر پہنچ گئے ہیں اور ریسکیو آپریشن شروع کر دیا گیا ہے۔
