ممبئی: تنازعات میں گھرے ہوئے مہاراشٹر کے وزیر داخلہ انیل دیشمکھ نے پیر کو اپنا استعفیٰ پیش کردیا ہے۔ انہوں نے ٹویٹر پر اپنا استعفیٰ شیئر کیا ، جس میں انہوں نے کہا ہے کہ وہ اخلاقی بنیادوں پر اپنے عہدے سے استعفی دے رہے ہیں ، انہوں نے وزیر اعلی ادھو ٹھاکرے سے استعفیٰ منظور کرنے کی درخواست کی۔بتادیں کہ ممبئی کے سابق پولیس کمشنر پرمبیر سنگھ کے الزامات میں گھرے مہاراشٹر کے وزیر داخلہ انل دیشمکھ نے اپنے عہدہ سے استعفی دیا ہے ۔
— ANIL DESHMUKH (@AnilDeshmukhNCP) April 5, 2021
قابل توجہ بات یہ ہے کہ آج ہی کچھ دیر پہلے ہی بامبے ہائی کورٹ نے سی بی آئی کو ممبئی کے سابق پولیس کمشنر پرمبیر سنگھ کے ذریعہ مہاراشتر کے وزیر داخلہ انل دیشمکھ کے خلاف لگائے گئے سنگین بدعنوانی کے الزامات کی پندرہ دنوں کے اندر ابتدائی جانچ شروع کرنے کیلئے کہا ہے۔
