ناگور:راجستھان کے ناگور میں ایک دردناک حادثہ ہوا ہے۔یہاں كچامن شہر میں صبح تین بجے دو منی بسیں بے قابوہوکر ایک دوسرے سے ٹکرا گئی جس کی وجہ سے 11 مسافروں کی موت ہو گئی اور 12 افراد زخمی ہو گئے۔بتایا گیا ہے کہ بس کے سامنے بیل آ گیا تھا جس کی وجہ سے یہ حادثہ ہوا۔مہاراشٹر سے کچھ افراد ایک منی بس میں سوار اجمیر ضلع کے کشن گڑھ سے ہنومان گڑھ جارہے تھے اسی دوران صبح تقریباً تین بجے اچانک کچامن کے نزدیک ایک سانڈ سڑک پر آگیا جس کی وجہ سے منی بس بے قابو ہوکر پلٹ گئی ۔
Rajasthan: 11 people died after the two mini buses they were travelling in lost balance and met with an accident in Kuchaman City of Nagaur, at around 3 am, today. Injured have been admitted to hospital. pic.twitter.com/Avapl5U7y6
— ANI (@ANI) November 23, 2019
حادثے میں زخمی افراد کو علاج کے لئے ہسپتال میں داخل کرایا گیا ہے۔زخمیوں میں چھ افراد کی حالت نازک بتائی جا رہی ہے۔ انہیں انتظامیہ نے جے پور منتقل کر دیا ہے. بس حادثے کی اطلاع ملتے ہی پولیس موقع پر پہنچ گئی. اس کے بعد زخمیوں کو علاج کے لیے ہسپتال پہنچایا گیا۔حکام نے بتایا کہ رات کے وقت سڑک خالی ہونے کی وجہ سے بس تیز رفتار میں تھی۔ اسی دوران درمیان سڑک پر بیل آ گیا جس سے ڈرائیور نے اپنا کنٹرول کھو دیا، جس کی وجہ سے یہ حادثہ ہوا ہے۔
