کل ہند خواتین مشاعرے میں فوزیہ رباب کی پذیرائی

fauzia

جے پور(آئی این ایس انڈیا)عالمی یوم خواتین کے موقع پر راجستھان اردو اکادمی، جے پور نے ”خوشبوؤں کی شام، خواتین کے نام“ ایک شان دار کل ہند خواتین مشاعرے کا انعقاد کیا جس میں سامعین نے بطور خاص گوا کی مشہور شاعرہ فوزیہ رباب کو بھرپور داد و تحسین سے نوازا۔ فوزیہ رباب نے خواتین کے حوالے سے اپنی نظم اور غزلیں پیش کیں۔

shaira-fauzia

اکادمی کے سکریٹری معظم علی نے بتایا کہ اس مشاعرے میں ملک بھر کی معروف شاعرات نے شرکت کی جن میں پربھا ٹھاکر (جے پور)، ملکہ نسیم (جے پور)، حنا تیموری (آگرہ)، انا دہلوی (دہلی)، صبا بلرام پوری (لکھنؤ)، قمر سرور (احمد نگر)، شبانہ شبنم (اجین)، فوزیہ رباب (گووا)، جیوتی آزاد (گوالیر)، مہر ماہی (بانسواڑہ) اور زینت کیفی (جے پور) شامل ہیں۔ یہ مشاعرہ روندر منچ، رام نواس باغ، جے پور کے کانفرنس ہال میں منعقد ہوا۔مشاعرے کی صدارت ریاستی حقوق انسانی کمیشن راجستھان کے صدر گوپال کرشن ویاس نے کی۔ مشاعرے کا افتتاح ڈویژنل کمشنر جے پور، ڈاکٹر سمت شرما (اڈمنسٹریٹر راجستھان اردو اکادمی، جے پور) نے کیا۔ اس کے علاوہ مہمانِ اعزازی محمد یوسف (سابق صدر، راجستھان وقف بورڈ) اور مہمان ذی وقار رفیق خان (ایم ایل اے، راجستھان) نے اس موقع پر خوش گوار تاثرات کا اظہار کیا۔ مشاعرے کی نظامت کے فرائض مشہور شاعر معین شاداب نے انجام دیے۔

Leave a Reply

Your email address will not be published. Required fields are marked *