نئی دہلی: ایودھیامعاملے پر ملک کی سب سے بڑی عدالت یعنی سپریم کورٹ کا فیصلہ آگیاہے۔سپریم کورٹ نے فیصلہ سناتے ہوئے کہاکہ متنازعہ زمین رام للا کی ہے۔جبکہ سنی وقف بورڈ کوایودھیامیں پانچ ایکڑزمین دینے کی ہدایت دی ہے۔سپریم کورٹ نے کہاکہ سنی وقف بورڈ متنازعہ ڈھانچے پراپنا ایکسکلوسیورائٹ ثابت نہیں کرپایا۔کورٹ نے متنازعہ ڈھانچے کی زمین ہندوؤں کودینے کا فیصلہ سنایا، تومسلمانوں کودوسری جگہ زمین دینے کیلئے کہاہے۔کورٹ نے ساتھ ہی کہاکہ اس کے لئے مرکزی سرکارتین مہینے میں ٹرسٹ بنائے۔کورٹ نے کہاکہ سنی وقف بورڈ کوپانچ ایکڑزمین ملے گی۔
سپریم کورٹ نے ہفتہ یعنی آج ایودھیاپرفیصلہ سنایا۔اپنے فیصلے میں سب سے پہلے چیف جسٹس نے شیعہ وقف بورڈ کی عرضی خارج کردی ہے۔اس کے بعدنرموہی اکھاڑے کا بھی دعوی ٰ خارج کردیاگیاہے۔وہیں سپریم کورٹ نے اپنے فیصلہ میں کہاکہ مسلمانوں کومسجد کیلئے دوسری جگہ ملے گی۔سی جے آئی نے کہاکہ ہم ثبوتوں کے بنیادپرفیصلہ کرتے ہیں۔
