سمندری طوفان سے اڑیسہ اور مغربی بنگال کے ساحلی علاقوں سمیت بنگلا دیش کے کچھ علاقوں کو شدید خطرہ ہے۔ماہرین موسمیات نے طوفان کی شدت میں اضافے کا خدشہ ظاہر کیا ہے، امفان کو شمال مشرقی بحر ہند میں آنے والا دوسرا شدید ترین طوفان کہا جارہا ہے۔سمندریر سا’یکلون طوفان’امفان‘ (Amphan Cyclone) کے آج مغربی بنگال کے ساحل پر ٹکرانے کا امکان ہے۔اس دوران 155 سے 185 کلومیٹر فی گھنٹہ کی رفتار تک ہوائیں چلنے اور بھاری بارش ہونے کا اندازہ ہے۔
#WATCH: Rainfall and strong winds hit Bhadrak in Odisha. #CycloneAmphan is expected to make landfall today. pic.twitter.com/X8xF9aZ6cf
— ANI (@ANI) May 19, 2020
محکمہ موسمیات کے مطابق اس دوران بنگال کے ساحلی اضلاع میں بھاری بارش ہوگی اور سمندر میں چار پانچ میٹر بلند لہریں اٹھیں گی۔’امفان‘ نامی طوفان کی شدت میں تیزی آنے کی اطلاعات کے ساتھ ہی مغربی بنگال حکومت نے ساحلی علاقوں میں آباد رہائشیوں کو محفوظ مقامات پر پہنچانا شروع کر دیا ہے۔ تیز بارش اور تیز ہواؤں کی وجہ سے جنوبی بنگال کے کئی اضلاع میں تباہی کی پیش گوئی کی گئی ہے۔
#WATCH Odisha: Strong winds of up to 82 km/ph speed hit Paradip. #CycloneAmphan is expected to make landfall today. pic.twitter.com/8bgyZ2Augq
— ANI (@ANI) May 20, 2020
محکمہ موسمیات کے مطابق یہ طوفان شمال اور شمال مغرب کی سمت میں کافی رفتار میں آگے بڑھ رہا ہے۔اندازہ ہے کہ اس کی رفتار ابھی اور بڑھے گی۔سائیکلون امفان آج دوپہر تک مغربی بنگال کے دیگھا اور بنگلہ دیش کے ہادیہ میں ٹکر ا سکتا ہے۔طوفان اڑیسہ کے پارادیپ سمندر کے قریب پہنچنے والا ہے۔صبح ساڑے آٹھ بجے یہ محض پارادیپ سمندر سے 120 کلومیٹر دور پہلے جنوب مشرق میں تھا۔یہ سندرون کے پاس ہے۔ محکمہ موسمیات نے دوپہر تک اس کے سمندر سے ٹکرانے کا امکان ظاہر کیا ہے۔اڑیسہ، مغربی بنگال اور بنگلادیش کے ساحلی علاقوں میں 24 کلومیٹر کی رفتار سے ہوائیں چل رہی ہیں۔
