نئی دہلی:رمضان المبارک کا چاندہندوستان کے مختلف مقامات پردیکھاگیاہے۔ملک کی مختلف مسلم تنظیموں نے بھی چانددیکھنے کی تصدیق کردی ہے۔ہندوستان میں 24اپریل 2020کوماہ رمضان کا چاندنظرآیا۔لہٰذا 25اپریل 2020بروزسنیچرکوپہلاروزہ ہوگا۔رمضان کے آغازپروزیراعظم نریندرمودی نے ٹویٹ کرکے مبارکباددی ہے۔پی ایم مودی نے اپنے ٹویٹ میں لکھاکہ ”رمضان مبارک!میں سب کی سلامتی،صحت اورتندرستی کیلئے دعاگو ہوں۔یہ مقدس مہینہ اپنے ساتھ شفقت، ہم آہنگی اورہمدردی کی فراوانی لائے۔ہم کوروناوائرس کے خلاف جاری لڑائی میں جیت حاصل کر ایک صحت مند دنیابنانے میں کامیاب ہوں“۔
Ramzan Mubarak! I pray for everyone’s safety, well-being and prosperity. May this Holy Month bring with it abundance of kindness, harmony and compassion. May we achieve a decisive victory in the ongoing battle against COVID-19 and create a healthier planet.
— Narendra Modi (@narendramodi) April 24, 2020
بہر کیف ہندوستان اورپڑوسی ممالک میں رمضان المبارک کا چاندنظرآگیاہے اورسنیچر کوپہلاروزہ ہوگا۔چانددیکھنے کے ساتھ ہی رمضان کا اعلان ہوگیاہے۔دہلی سمیت پورے ملک میں مقدس مہینہ سنیچر سے شروع ہوگا۔علماء نے کوروناوائرس کودیکھتے ہوئے مسلم کمیونٹی کواپنے گھروں میں ہی عبادت کرنے کی اپیل کی ہے۔
