نئی دہلی::مہاراشٹر کے اورنگ آباد سے ایک دل دہلا دینے والا واقعہ سامنے آیا ہے۔یہاں ریل کی پٹری پر تارکین وطن محنت کشوں (مزدوروں)کو ایک مال گاڑی نے روند دیا۔اس دردناک حادثے میں 14مزدوروں کی موت کی خبرہے۔ جبکہ کئی دیگر مزدور زخمی بتائے جا رہے ہیں۔اورنگ آباد کے سرکاری اسپتال میں ان کا علاج چل رہا ہے۔وزیرنریندرمودی نے اس دردناک حادثہ پرافسوس کا اظہارکیاہے۔
وزیر اعظم نریندر مودی نے بھی اورنگ آباد میں ہوئے ریل حادثے پر افسوس کا اظہار کیا ہے۔ پی ایم مودی نے ٹویٹ کرتے ہوئے لکھا کہ اورنگ آباد میں ہوئے ریل حادثے میں جن کی جان گئی ہے، اس سے کافی دکھ پہنچا ہے۔پی ایم مودی نے اس حادثے کے بارے میں ریلوے کے وزیر پیوش گوئل سے بات کی ہے اور حالات کا جائزہ لینے کو کہا ہے۔وزیرریل معاملے نظربنائے ہوئے ہیں۔سبھی ضروری مددکی جارہی ہے۔
Extremely anguished by the loss of lives due to the rail accident in Aurangabad, Maharashtra. Have spoken to Railway Minister Shri Piyush Goyal and he is closely monitoring the situation. All possible assistance required is being provided.
— Narendra Modi (@narendramodi) May 8, 2020
بتادیں کہ مہاراشٹر میں آج (جمعہ) صبح ایک دردناک حادثہ ہو گیا۔یہاں 14 مزدور ایک ٹرین کی زد میں آ گئے۔واقعہ ممبئی سے 360 کلومیٹر دور اورنگ آباد ضلع واقع کرماڈ کاہے۔ تمام مزدور پٹری کے سہارے جالنہ سے بھساول کی جانب پیدل اپنے گھر (مدھیہ پردیش) واپس آ رہے تھے۔تھکاوٹ کی وجہ سے تمام مزدور پٹری پر ہی لیٹ گئے۔صبح ایک ٹرین وہاں سے گزری۔مزدوروں کو سنبھلنے کا بھی موقع نہیں ملا اور تمام ٹرین کی زد میں آ گئے۔ریلوے کے حکام نے واقعہ کی تصدیق کی ہے۔
