نئی دہلی (آئی این ایس انڈیا)ملک میں پٹرول اور ڈیزل کی قیمتوں میں کوئی اضافہ نہیں ہوا۔ آئل مارکیٹنگ کمپنیوں نے مسلسل چار دن سے پٹرول اور ڈیزل کی قیمتوں میں کوئی تبدیلی نہیں کی ہے۔ آج بھی ہفتہ 3 اپریل 2021 کو خوردہ ایندھن کی قیمت نمایاں سطح پر برقرار ہے۔ آخری تبدیلی اس ہفتے کے شروع میں منگل کو کمی کے ساتھ کی گئی تھی۔مارچ میں دو دن میں پٹرول – ڈیزل کی قیمتوں میں کمی کی گئی ہے، جبکہ ایک بار بھی اضافہ نہیں ہوا ہے۔ اسی دوران فروری میں تیل کی قیمتوں میں مجموعی طور پر 14 دن تک اضافہ کیا گیا، جبکہ کمی ایک دن بھی نہیں کی گئی۔قیمت میں آخری تبدیلی کے بعد اب دہلی میں پٹرول کی قیمت میں 90.56 روپئے فی لیٹر اضافہ کردیا گیا ہے۔ اسی کے ساتھ ہی ڈیزل 81.10 روپئے فی لیٹر سے گھٹ کر 80.87 روپئے فی لیٹر کردی گئی ہے۔
ممبئی کی بات کریں تو پٹرول 96.98 روپئے اور ڈیزل 87.96 روپئے فی لیٹر فروخت ہورہا ہے۔ چاروں میٹرو شہروں میں سے ممبئی میں پٹرول اور ڈیزل سب سے زیادہ مہنگا ہے۔ چنئی کے بارے میں بات کریں تو پیٹرول 92.58 روپئے فی لیٹر اور 85.88 روپئے فی لیٹر ڈیزل فروخت ہورہا ہے۔ کولکاتہ میں پٹرول کی قیمت 90.77 روپئے اور ڈیزل 83.75 روپئے فی لیٹر ہے۔ملک میں تیل کی قیمتوں میں روزانہ صبح 6 بجے ترمیم کی جاتی ہے کیونکہ ملک میں ہر روز خام تیل کی قیمتوں اور غیر ملکی زرمبادلہ کے نرخوں کے مطابق پٹرول اور ڈیزل کی قیمتوں میں تبدیلی ہوتی ہے۔ یہ نئی قیمتیں روزانہ صبح 6 بجے سے ملک کے ہر پٹرول پمپ پر نافذہوتی ہیں۔
