نئی دہلی(آئی این ایس انڈیا)آسام اسمبلی انتخابات سے قبل آل انڈیا یونائیٹڈ ڈیموکریٹک فرنٹ اے آئی یو ڈی ایف کے سربراہ مولانا بدرالدین اجمل کی ایک ویڈیو وائرل کی جارہی ہے۔ انتخابات سے عین قبل یہ ویڈیوشائع کرکے مذہب کے نام پرانتخابی فائدہ حاصل کرنے کی کوشش ہے۔مولانابدرالدین اجمل کانگریس اتحادمیں شامل ہیں۔اس لیے ممکنہ طورپراتحادکوبدنام کرنے اورمذہب کے نام پرووٹ مانگنے کی سیاست ہوسکتی ہے۔ اس ویڈیو نے ریاست میں سیاسی پارہ بڑھادیاہے۔اور اب مولانابدرالدین اجمل نے اس ویڈیو کے بارے اس ویڈیو کو جعلی قرار دیتے ہوئے بدرالدین اجمل نے کہاہے کہ اگر آپ اصل ویڈیو دیکھیں توآپ دیکھیں گے کہ جب ہیمنت وشوا شرما نے مجھے مغل کہا تھا۔ اس وقت میں نے کہا تھا کہ مغلوں نے 800 سال ہندوستان پرحکومت کی، لیکن کیالوگوں نے ہندوستان کو ایک اسلامی ریاست کے طور پر کبھی نہیں سوچا؟ بدرالدین اجمل نے کہاہے کہ یہ ویڈیو مکمل طور پر جعلی ہے۔ یہ میری تقریر کو الگ سے شامل کرکے بنایا گیا ہے۔سیاسی فائدہ اٹھانے کے لیے ویڈیوکی تشہیرکی جارہی ہے۔
