لاک ڈاؤن کے دوران مزدوروں کی گھرواپسی اور راستے میں حادثے کا سلسلہ تھمنے کا نام نہیں لے رہا ہے۔دو دن بعد ہی مزدوروں کے ساتھ ایک اور حادثہ سامنے آیا ہے۔مدھیہ پردیش کے نرسنگھ پور ضلع میں ایک سڑک حادثہ میں 5 مزدوروں کی جان چلی گئی۔ نرسنگھ پور ضلع کے مہنوانی تھانے کے پاٹھا گاؤں کے آس پاس آم سے بھرا ٹرک بے قابوہوکر پلٹ گیا۔اس ٹرک میں 18 مزدور سوار تھے،جوکہ حیدرآباد سے اترپردیش ایٹہ اور جھانسی جا رہے تھے۔5 مزدوروں کی موت ٹرک میں دب کر ہو گئی۔جبکہ 2 کی حالت نازک بتائی جا رہی ہے، وہیں 13 زخمیوں کا علاج ضلع اسپتال میں چل رہا ہے۔
جب یہ حادثہ ہوا اس وقت ٹرک میں ڈرائیور اور کنڈکٹر سمیت 18 افراد سوار تھے۔یہ لوگ حیدرآباد سے اترپردیش جا رہے تھے۔راستے میں پاٹھا گاؤں پہنچتے ہی ٹرک پلٹ گیا۔اس حادثے میں موقع پر ہی 5 مزدوروں کی موت ہو گئی، جبکہ 11 افراد زخمی ہو گئے۔یہ حادثہ ہفتہ- اتوار رکے درمیانی شب کا ہے۔بتایاجارہاہے کہ سبھی مزدورحیدرآباد سے آم کے ٹرک میں چھپ کراترپردیش کے جھانسی جارہے تھے۔
Madhya Pradesh: 5 labourers died, 11 injured after the truck they were in, overturned near Patha village in Narsinghpur. The labourers were going from Telangana’s Hyderabad to Uttar Pradesh in the truck, which was also carrying mangoes. More details awaited. pic.twitter.com/bowYPVMn1P
— ANI (@ANI) May 9, 2020
نرسنگھ پور کے ضلع مجسٹریٹ دیپک سکسینہ نے بتایاکہ آم سے لدے ٹرک میں دو ڈرائیور اور ایک کنڈکٹر سمیت 18 افراد سوار ہوکر جا رہے تھے۔پاٹھا گاؤں کے قریب ٹرک کے اچانک پلٹنے سے 5 مزدوروں کی موت ہو گئی اور 11 افراد زخمی ہو گئے۔ضلع مجسٹریٹ دیپک سکسینہ نے بتایا کہ مزدور حیدرآباد سے یوپی کے آگرہ جا رہے تھے۔
The truck was laden with mangoes and was going from Hyderabad to Agra. It was carrying a total of 18 people, including 2 drivers and a conductor. 5 out of these 18 people have died: Deepak Saxena, Narsinghpur District Collector #MadhyaPradesh https://t.co/JOv9zHEa2s pic.twitter.com/dY8aE5Wykk
— ANI (@ANI) May 9, 2020
وہیں، سول سرجن ڈاکٹر انیتا اگروال نے بتایا کہ زخمیوں میں دو لوگوں کو جبل پور ریفرر کیا گیا ہے۔ان میں سے ایک کے سر میں چوٹ اور دوسرے کو فریکچر ہے۔اس کے علاوہ دو دیگر کی حالت نازک ہے۔زخمی مزدوروں میں سے ایک کو کچھ دن سے سردی کھانسی تھی، جس کی وجہ سے مرنے والوں سمیت سب کے کورونا سیمپل لے کر جانچ کیلئے بھیج دئیے گئے ہیں۔
بتا دیں کہ گزشتہ دنوں یعنی جمعہ کی صبح مہاراشٹر کے اورنگ آباد ضلع میں ریل کی پٹریوں پر سو رہے 16 تارکین وطن محنت کشوں کی ایک مال گاڑی کی زد میں آنے سے موت ہو گئی تھی۔ اورنگ آباد میں بدناپر-کرماڈ ریلوے اسٹیشن کے پاس سے جب ایک مال گاڑی گزر رہی تھی، تب اس نے 16 سے زیادہ مزدوروں کو کچل دیا، جبکہ کچھ دیگر مزدور زخمی بھی ہوئے تھے۔
بہرکیف مدھیہ پردیش کے نرسنگھ پور ضلع میں آج دیرشب آم سے بھراٹرک پلٹنے سے پانچ مزدوروں کی موت ہوگئی،جبکہ 13مزدورشدیدطورپرزخمی ہوگئے۔زخمیوں کا علاج ضلع اسپتال میں کیاجارہاہے۔
