نئی دہلی:بھائی دوج پردہلی کی خواتین کو کیجریوال سرکار نے بڑاتحفہ دیاہے۔ دہلی حکومت نے خواتین کو بھائی دوج کے موقع پر منگل (آج)سے دہلی ٹرانسپورٹ کارپوریشن (ڈی ٹی سی) اور کلسٹر بسوں میں ’مفت سفر‘ کا تحفہ دیا ہے اور یہ اسکیم آئندہ برس مارچ تک عمل میں رہے گی۔بہرکیف آج سے دہلی کی ڈی ٹی سی اورکلسٹر بسوں میں خواتین مفت سفرکرسکیں گی۔اسے لیکر ریاستی سرکار نے نوٹیفیکیشن جاری کردیاہے۔
Congratulations Delhi !!!
This is a historic step for women safety and empowerment https://t.co/wjLf4jB0GZ
— Arvind Kejriwal (@ArvindKejriwal) October 28, 2019
وزیر اعلی اروند کیجریوال نے گزشتہ روز اس کی اطلاع دیتے ہوئے بتایا تھا کہ 29 اکتوبر یعنی بھائی دوج سے ڈی ٹی سی اور کلسٹر بسوں میں خواتین مفت سفر کر سکیں گی۔بتادیں کہ دہلی سرکار نے دہلی میٹرو اوربسوں میں خواتین کیلئے مفت سفرکی تجویز دی تھی۔فی الحال میٹرو میں خواتین کیلئے مفت سفراسکیم کی شروعات نہیں ہے،لیکن بسوں میں منگل یعنی آج سے اسکیم کی شروعات ہوگئی ہے۔ساتھ ہی خواتین کیتحفظ کے لئے بسوں میں 13 ہزار مارشل بھی تعینات رہیں گے۔واضح ہوکہ دہلی میں تقریباً 3500ڈی ٹی سی اور1500کلسٹربسیں ہیں۔ڈی ٹی سی میں روزانہ 31لاکھ اورکلسٹر میں 12لاکھ مسافرسفرکرتے ہیں۔
