نئی دہلی:جامعہ ملیہ اسلامیہ کے مشہور رہائشی کوچنگ اکیڈمی (آر سی اے) نے سال 2021 کے لئے سول سروسس پری اور مین امتحانات کی تیاری کے لئے درخواستیں طلب کی ہیں۔ آن لائن درخواستیں 25 اپریل 2020 سے شروع ہوچکی ہیں اور آخری تاریخ 15 جون 2020 ہے۔ اس کے لئے www.jmicoe.in ملاحظہ کیا جا سکتا ہے ۔ ملک بھر کے چھ مراکز ( دہلی ، سری نگر ، لکھنؤ ، گواہاٹی ، بنگلور اور مالا پورم ) میں اس کا انٹرنس ٹیسٹ منعقد ہو گا۔
اس اکیڈمی میں اقلیتوں ، درج فہرست ذات و قبائل اور خواتین کو مفت کوچنگ مہیا کی جاتی ہے۔
وہ امیدوار جنہوں نے گذشتہ تین سالوں میں جامعہ ، آر سی اے سے کوچنگ کی خدمات حاصل کر چکے ہیں وہ درخواست دینے کے اہل نہیں ہوں گے۔
صرف وہ طلباء اس کے لئے درخواست دے سکتے ہیں ،جو گریجویشن مکمل کر چکے ہیں اور ان کے نتائج آچکے ہیں۔ دس فیصد نشستیں 24 سال سے کم عمر امیدواروں کے لئے مخصوص ہیں۔
جامعہ کے قواعد کے مطابق معذور افراد ریزرویشن کے اہل ہوں گے۔
مین امتحان میں کامیاب ہونے والوں کے لئے ماک انٹرویو سیشن کا انتظام کیا جائے گا ۔
اس سال دستیاب کل نشستیں 208 ہیں ،جس میں آرسی اے کو مناسب میرٹ یافتہ امیدوار دستیاب نہ ہونے پر تعداد کم کرنے کا حق حاصل ہے۔
اکیڈمی میں داخلے کے خواہاں امیدواروں کو دستیابی کی بنیاد پر ہاسٹل مہیا کیے جائیں گے۔ ہاسٹل میں مفت رہائش کا انتظام ہوگا لیکن طعام طلباء کے ذمے ہوں گے ، جس کی فیس ماہانہ تقریبا 3000 روپے ہے ۔ اس میں ، دن میں تین بار کھانا دیا جاتا ہے ۔
امیدوار اپنا درخواست فارم 650 روپے امتحان فیس کے ساتھ بھر سکتے ہیں۔
وقتا فوقتا جامعہ کی ویب سائٹ پر امتحانات ، نتائج ، شمولیت کی تاریخ اور دیگر اہم معلومات کو شائع کی جاتی ہیں ۔ لہذا یونیورسٹی کی ویب سائٹ پر نگاہ رکھیں۔استفسارات کے لئے مندرجہ ذیل نمبروں پر رابطہ کیا جا سکتا ہے : 26981717 ، 9836219994 ، 983629994
