کوروناوائرس اورلاک ڈاؤن کے بیچ قریب 48 دن کے بعد عام مسافروں کے لئے ٹرین سروس 12 مئی یعنی کل سے شروع ہونے جا رہی ہے۔ٹرین ٹکٹ کی بکنگ 11 مئی کی شام 4 بجے سے شروع ہو گئی، لیکن مسافر ٹکٹ نہیں بنا پا رہے ہیں۔آئی آرسی ٹی سی کی ویب سائٹ کھل نہیں رہی ہے۔
دراصل، 4 بجنے کے ساتھ ہی لوگ ٹکٹ بنانے کے لئے مسلسل آئی آرسی ٹی سی کی ویب سائٹ پرلوگ وزٹ کر رہے ہیں۔ لیکن ویب سائٹ کھل نہیں رہی ہے۔اتنا ہی نہیں،آئی آرسی ٹی سی کا موبائل ایپ بھی کام نہیں کر رہا ہے۔ ایسے میں لوگ ٹکٹ بنانے کے لئے پریشان ہیں۔حالانکہ اب ریلوے کی جانب سے بتایا جا رہا ہے کہ شام 6 بجے سے پھر بکنگ شروع ہوگی، تب کسی طرح کی دقتیں نہیں آئیں گی۔
وزارت ریل نے اپنے ٹوئٹر ہینڈل سے کہا ہے کہ ڈیٹا کو ویب سائٹ میں فیڈ کیا جا رہا ہے، جیسے ہی یہ کام مکمل ہوتا ہے بکنگ دوبارہ شروع ہو جائے گی۔ اب آئی آرسی ٹی سی نے کہا ہے کہ بکنگ شام 6 بجے سے شروع ہوگی۔
