نئی دہلی:دہلی -این سی آرمیں آلودگی کی حالت بیحد سنگین ہوگئی ہے۔آلودگی اورخراب موسم کودیکھتے ہوئے 2دنوں کیلئے نوئیڈا کے اسکول بندکرنے کا حکم ضلع انتظامیہ نے دیاہے۔گوتم بدھ نگرڈی ایم کی جانب سے حکم جاری کیاگیاہے۔چاراورپانچ نومبرکونوئیڈاعلاقے کے سبھی پرائیویٹ اورسرکاری اسکول بند رہیں گے۔
فضائی آلودگی کی سطح خراب سطح پرپہنچ گئی ہے۔اتوارکی صبح دس بجے اے کیوآئی(ایئرکوالٹی انڈیکس)اس سیزن میں پہلی 625تک پہنچ گیا۔دہلی کے دھیرپورمیں اے کیوآئی 509رہا۔وہیں دہلی یونیورسٹی کے علاقے میں 591،چاندنی چوک میں 432اورلودھی روڈ علاقے میں 537ریکارڈ کیاگیا۔
دہلی سے متصل نوئیڈا، گریٹرنوئیڈا اورغازی آبادمیں آلودگی کی سطح 400سے709کے بیچ درج کی گئی ہے،جوبیحدسنگین زمرے میں آتاہے۔ہواکی خراب حالت کی وجہ سے لوگ آنکھوں میں جلن اورسانس لینے میں تکلیف کی شکایت بھی کررہے ہیں۔
مزید پڑھیں: دہلی میں فضائی آلودگی خطرناک سطح پر
