دہلی:اناج منڈی کے پاس فیکٹری میں لگی شدیدآگ، 43لوگوں کی موت

نئی دہلی: دہلی کے رانیجھانسی روڈ پر اناج منڈی کے نزدیک ایک فیکٹری میں اتوار(آج) صبح شدیدآگ لگ گئی، جس میں 43لوگوں کی موت ہوگئی ہے۔ان میں سے زیادہ تر لوگوں کی موت دم گھٹنے سے ہوئی ہے۔جبکہ 2درجن سے زیادہ لوگوں کودہلی کے الگ الگ اسپتالوں میں داخل کرایاگیاہے۔فائربرگیڈمحکمہ کے اہلکاروں نے 50سے زیادہ لوگوں کوبچایاہے۔جس وقت یہ واقعہ ہوا، اس وقت ایک کمرے میں 20-20 لوگ سو رہے تھے۔حالانکہ، فائربرگیڈ کی گاڑیاں موقع پر پہنچ گئی تھیں اور 64 لوگوں کو باہر نکال لیا گیا تھا۔

#Delhi: A team of National Disaster Response Force (NDRF) arrives at the incident spot. 43 people have lost their lives in the fire incident. https://t.co/jmmh95PvpM pic.twitter.com/SeG3g618E8

— ANI (@ANI) December 8, 2019

فیکٹری میں آج صبح آگ لگ گئی اور وقت بہت مزدور سو رہے تھے۔ایل این جے پی اسپتال میں 53 لوگوں کو داخل کرایاگیا تھا جس میں سے 34 لوگوں کی موت ہو گئی ہے۔ایل این جے پی اسپتال کے میڈیکل سپرنٹنڈنٹ ڈاکٹر کشور سنگھ نے بتایا ہے کہ ان کے اسپتال میں 34 لوگوں کی موت ہوئی اور باقی لوگوں کا علاج چل رہا ہے۔انہوں نے کہا سب سے زیادہ لوگوں کی موت دم گھٹنے سے ہوئی ہے اور کچھ کی حالت اب مستحکم بتائی جا رہی ہے۔انہوں نے کہا کہ جو لوگ بھرتی ہیں ان پھیپھڑوں میں دھواں گیا ہوگا تو ابھی ان کی حالت بھی خراب ہو سکتی ہے۔