ملک میں کورونامیں مبتلا مریضوں کی تعداد دن بہ دن بڑھتی ہی جا رہی ہے۔ لاک ڈاؤن کے تیسرے مرحلے کا پہلا ہفتے ختم ہونے کو ہے، مگر کورونا کے معاملات میں ابھی تسلی بخش کمی نہیں دیکھی جا رہی ہے۔گزشتہ 24 گھنٹوں میں 95 افراد ہلاک ہوئے ہیں ۔اب تك اس جان لیوا انفیکشن کے قریب 60 ہزار کیس سامنے آ چکے ہیں۔وزارت صحت کے تازہ اعداد و شمار کےمطابق، اب تک 59 ہزار 662 لوگ متاثر ہو چکے ہیں۔ وہیں 1981 لوگوں کی موت ہو چکی ہے۔حالانکہ 17 ہزار 847 لوگ ٹھیک بھی ہوئے ہیں۔
ریاستوں میں اموات کی تعداد
وزارت صحت کے مطابق، مہاراشٹر میں سب سے زیادہ 731، گجرات میں 449، مدھیہ پردیش میں 200، راجستھان میں 101، دہلی میں 68، اترپردیش میں 66، آندھرا پردیش میں 41، مغربی بنگال میں 160، تمل ناڈو میں 40، تلنگانہ میں 29 ، کرناٹک میں 30، پنجاب میں 29، جموں و کشمیر میں 9، ہریانہ میں 8، کیرالہ میں 4، جھارکھنڈ میں 3، بہار میں 5، ہماچل پردیش میں دو، اڑیسہ میں دو، چنڈی گڑھ، آسام اور میگھالیہ میں ایک موت ہوئی ہے ۔
ہندوستان میں کورونا وائرس انفیکشن کی رفتار اب بھی جاری ہے۔بتادیں کہ مہاراشٹر، گجرات، دہلی اورمدھیہ پردیش میں کورونامریضوں کی تعدادسب سے زیادہ ہے۔ملک میں گزشتہ 24 گھنٹے میں کوروناوائرس کے 3ہزار320 نئےمعاملے سامنے آئے ہیں اور 95 لوگوں کی موت ہوئی۔
