نئی دہلی: ملک میں کوروناوائرس کا قہرتھمنے کا نام ہی نہیں لے رہاہے۔ملک میں کورونامریضوں کی تعداد بڑھتی جارہی ہے ،تووہیں کوروناسے اموات کی تعداد بھی بڑھتی جارہی ہے۔ملک میں متاثرہ مریضوں کی تعداد دن بہ دن بڑھتی ہی جا رہی ہے۔گزشتہ 24 گھنٹے میں 122 لوگوں کی موت ہوئی ہے۔وہیں، 3 ہزار 525 نئے کیس سامنے آئے ہیں۔بڑی بات یہ ہے کہ گزشتہ ایک دن میں سب سے زیادہ 1ہزار931 مریض ٹھیک ہوئے ہیں۔ وزارت صحت کے تازہ اعداد و شمار کے مطابق،ملکمیں اب تک کورونامریضوں کی تعداد74 ہزار 281 ہوگئی ہے۔وہیں اب تک ملک 2ہزار415 لوگوں کی موت ہو چکی ہے۔
لاک ڈاؤن کے باوجودملک میں کوروناکاقہرجاری ہے ،ملک کی متعددریاستوں میں کوروناسے اموات ہورہی ہیں۔ملک سے سب سے زیادہ کوروناسے اموات ریاست مہاراشٹرمیں ہوئی ہے۔وزارت صحت کے مطابق، مہاراشٹر میں سب سے زیادہ 921، گجرات میں 537، مدھیہ پردیش میں 225، مغربی بنگال میں 198، راجستھان میں 117، دہلی میں 86، اترپردیش میں 82، آندھرا پردیش میں 46، تمل ناڈو میں 61، تلنگانہ میں 32، کرناٹک میں 31، پنجاب میں 32، جموں و کشمیر میں 10، ہریانہ میں 11، بہار میں 6، کیرالہ میں 4، جھارکھنڈ میں 3، اڑیسہ میں 3، چنڈی گڑھ میں 3، ہماچل پردیش میں 2، آسام میں 2، اور میگھالیہ میں ایک موت ہوئی ہے۔
بہرکیف لاک ڈاؤن کا تیسرامرحلہ ختم ہونے کوجارہاہے مگرکوروناکے معاملے میں کمی نہیں آرہی ہے۔بلکہ ملک میں کوروناوائرس کے معاملے تیزی سے بڑھ رہے ہیں۔یہاں Covid-19 مریضوں کی کل تعدادبڑھ کر 74ہزار سے اوپرہوگئی ہے۔
