نئی دہلی: بابری مسجد -رام مندرمعاملے کے فیصلے کولیکر اترپردیش میں زبردست حفاظتی انتظامات کئے جارہے ہیں۔ایودھیاکے چپے چپے پر ڈرون سے نظررکھی جارہی ہے اوربڑے پیمانے پر فورس تعینات کی گئی ہے۔اترپردیش کے تمام اضلاع میں پولس کوفسادقابوکرنے کی ٹریننگ دی جارہی ہے۔اترپردیش میں احتیاط کے طورپر مرکزی پولس فورسز کے تقریباً 4ہزارجوانوں کوبھیجاگیاہے۔ایودھیامعاملے پرسپریم کورٹ کے فیصلے سے پہلے نہ صرف اترپردیش بلکہ ملک بھرمیں سیکوریٹی ایجنسیاں الرٹ ہوگئی ہیں۔
بتادیں کہ سپریم کورٹ کے چیف جسٹس رنجن گگوئی کی صدارت والی بنچ نے ایودھیامعاملے کی سماعت گذشتہ 16اکتوبر کوپوری کرلی تھی اوراپنافیصلہ محفوظ رکھ لیا تھا۔ چیف جسٹس گگوئی کی ریٹائرمنٹ سے پہلے 17نومبرکوبینچ اس معاملے میں اپنا فیصلہ سناسکتی ہے۔
مزید پڑھیں: ایودھیافیصلہ سے پہلے سبھی ریاستوں کومحتاط رہنے کی ہدایت
