نئی دہلی: ایودھیامعاملے پر سپریم کورٹ کا فیصلہ آگیاہے۔سپریم کورٹ نے فیصلہ سناتے ہوئے کہاکہ متنازعہ زمین رام للا کی ہے۔جبکہ سنی وقف بورڈ کوایودھیامیں پانچ ایکڑزمین دینے کی ہدایت دی ہے۔سپریم کورٹ نے کہاکہ سنی وقف بورڈ متنازعہ ڈھانچے پراپنا ایکسکلوسیورائٹ ثابت نہیں کرپایا۔کورٹ نے متنازعہ ڈھانچے کی زمین ہندوؤں کودینے کا فیصلہ سنایا، تومسلمانوں کودوسری جگہ زمین دینے کیلئے کہاہے۔
ایودھیامتنازعہ پرسپریم کورٹ کے اہم فیصلہ کے بعد ایودھیامعاملے میں سنی وقف بورڈ کے وکیل ظفریاب جیلانی نے کہاکہ ہم سپریم کورٹ کے فیصلہ کا احترام کرتے ہیں، مگرہم مطمئن نہیں۔انہوں نے کہاکہ ہم بعد میں آگے کارروائی کے بارے میں فیصلہ کریں گے۔
Zafaryab Jilani, Sunni Waqf Board Lawyer: We respect the judgement but we are not satisfied, we will decide further course of action. #AyodhyaJudgment pic.twitter.com/5TCpC0QXl6
— ANI (@ANI) November 9, 2019
سپریم کورٹ نے ہفتہ یعنی آج ایودھیاپرفیصلہ سنایا۔اپنے فیصلے میں سب سے پہلے چیف جسٹس نے شیعہ وقف بورڈ کی عرضی خارج کردی۔اس کے بعدنرموہی اکھاڑے کا بھی دعوی ٰ خارج کردیاگیا۔وہیں سپریم کورٹ نے اپنے فیصلہ میں کہاکہ مسلمانوں کومسجد کیلئے دوسری جگہ ملے گی۔
