آندھرا پردیش کے وشاکھاپٹنم میں جمعرات کو دل دہلانے والا معاملہ سامنے آیا ہے۔یہاں ایک فارما کمپنی میں زہریلی گیس لیک ہو گئی، جس کے بعد حالات کافی خراب ہو گئے ہیں۔معلومات کے مطابق،آندھرا پردیش کے وشاکھاپٹنم میں ایک ملٹی نیشنل کمپنی کے کیمیکل پلانٹ میں زہریلی گیس لیک ہونے کی وجہ سے ایک بچے سمیت سات افراد کی جان چلی گئی۔ قریب 200 لوگوں کو اسپتال میں داخل کرایا گیا ہے۔فائر بریگیڈ، ایمبولینس اور پولیس موقع پر پہنچی ہوئی ہے۔
Andhra Pradesh: Chemical gas leakage reported at LG Polymers industry in
RR Venkatapuram village, Visakhapatnam. People being taken to hospital after they complained of burning sensation in eyes&breathing difficulties. Police, fire tenders, ambulances reach spot.Details awaited. pic.twitter.com/uCXGsHBmn2— ANI (@ANI) May 7, 2020
Andhra Pradesh: 3 persons, including one child, dead after chemical gas leakage at LG Polymers industry in RR Venkatapuram village, Visakhapatnam. pic.twitter.com/zs4oWuN2KA
— ANI (@ANI) May 7, 2020
حکام نے کہا کہ ضلع کے گاؤں آر آر وینکٹپورم میں ایل جی پولیمر انڈیا پرائیویٹ لمیٹڈ کے کیمیکل گیس پلانٹ کے قریب کے باشندوں کی آنکھوں میں جلن اور سانس لینے میں دشواری ہونے لگی۔انہیں فوری طور پر اسپتال لے جایا گیا۔اے این آئی نے بتایا کہ واقعہ کی اطلاع ملتے ہی ایمبولینس، فائربریگیڈ کی گاڑیاں اور پولیس اہلکار کیمیکل پلانٹ میں موقع پر پہنچ گئے۔
بتاجارہاہے کہ 20 افراد کی حالت نازک بنی ہوئی ہے۔اس میں زیادہ تر بزرگ اور بچے ہیں۔بتایا جا رہا ہے کہ سرکاری اسپتال میں 150 سے170 لوگ داخل کرائے گئے ہیں۔ اس کے علاوہ بہت سے لوگوں کو گوپالپورم کے پرائیویٹ اسپتال میں بھی داخل کرایا گیا ہے۔
