دنیابھرمیں کوروناکاقہرجاری ہے۔اس وقت پوری دنیاخطرناک وائرس کی زد میں ہے۔ہندوستان میں بھی کوروناکے معاملے بڑھتے جارہے ہیں۔ملک میں کوروناکے بڑھتے معاملے کودیکھتے ہوئے وزیراعظم نریندرمودی نے 21دن کے لاک ڈاؤن کی مدت کوتوسیع کرنے کافیصلہ لیاہے۔وزیراعظم نریندرمودی نے منگل کوصبح دس بجے قوم سے خطاب کیا۔انہوں نے کہاکہ لاک ڈاؤن 3مئی تک بڑھاجارہاہے۔اب لاک ڈاؤن 3مئی تک جاری رہے گا۔لاک ڈاؤن کے مدنظر ہندوستانی گھریلواورانٹرنیشنل فلائٹ 3مئی تک منسوخ کرنے کا فیصلہ لیاگیاہے۔اس کی جانکاری ڈائریکٹرجنرل آف سول ایویشن(ڈی جی سی اے)کے ذریعے آفشیل ٹویٹرکے ذریعہ دی گئی ہے۔
All domestic and international scheduled airlines operations shall remain suspended till11:59pm of 03 May 2020.
— DGCA (@DGCAIndia) April 14, 2020
وہیں دوسری طرف لاک ڈاؤن کے پیش نظر انڈین ریلوے کے ذریعہ سبھی مسافرٹرین خدمات کومنسوخ کرنے کی ہدایت جاری کردی گئی ہے۔انڈین ریلوے کے ذریعہ جاری ہدایت میں پریمیم ٹرینیں، میل/ایکسپریس ٹرینیں، پسنجر ٹرینیں، کولکاتہ میٹرو ریل، کونکن ریلوے سمیت سبھی مسافرٹرین خدمات 3مئی 2020تک بند رہیں گی۔
