دوحہ/ غزہ (آئی این ایس انڈیا) حماس کے سیاسی شعبے کے سربراہ اسماعیل ھنیہ نے کہا ہے کہ اسرائیل کی ریاستی میشنری مسجد اقصیٰ کا تقدس پامال کرنے اور تاریخی حقائق کو مسخ کرنے کی سازش کررہا ہے۔ اطلاعات کے مطابق ایک بیان میں اسماعیل ھنیہ کا کہنا تھا کہ ان کی جماعت غاصب صہیونیوں کی طرف سے مقدس مقام کی بے حرمتی کو ناکام بنائے گی۔ ان کا کہنا تھا کہ اسرائیلی ریاست اور اس کے تمام ریاستی ادارے کرونا کی وبا سے فائدہ اٹھا کر اپنے ناپاک عزائم کو آگے بڑھانے اور القدس اور مسجد اقصیٰ کے حوالے اپنی سازشیں آگے بڑھا رہا ہے۔حماس رہ نما نے ممتاز عالم دین الشیخ عکرمہ صبری کو مسجد اقصیٰ سے بے دخل کرنے کے اقدام کی شدید مذمت کی اور ان کی مسجد اقصیٰ سے بے دخلی کو مسلمانوں کے مذہبی معاملات اور عبادت کے حق میں کھلی مداخلت قرار دیا۔ اسماعیل ھنیہ کا کہنا تھا کہ غاصب صہیونی قبلہ اول کے خلاف اپنی سازشوں کوآگے بڑھانے میں کامیاب نہیں ہوسکتے۔
