دبئی(آئی این ایس انڈیا) سعودی عرب کی وزارت داخلہ نے ملک میں جاری کورونا کی وبا پرقابو پانے کے لیے نئے اور سخت حفاظتی انتظامات کے لیے نئے کورونا پروٹوکول کا اعلان کیا ہے۔ رپورٹ کے مطابق وزارت صحت کی طرف سے جاری کردہ نئے ضابطہ اخلاق کے تحت پبلک مقامات میں چہرے پر ماسک کو لازمی قرار دیا ہے اور ماسک نہ پہننے پر ایک ہزار ریال جرمانہ کیا جائے گا۔ اسی طرح سعودی وزارت داخلہ نے شہریوں کو سختی سے تاکید کی ہے کہ وہ پبلک مقامات پر سماجی دوری کو یقینی بنائیں اور اپنا بخار چیک کرائیں۔ خیال رہے کہ سعودی عرب میں گذشتہ چوبیس گھنٹوں کے دوران کورونا کے مزید 1618کیس سامنے آئے ہیں جب کہ مملکت میں اٹھارہ سو ستر مریض صحت یاب ہوئے ہیں۔
