ممبئی : بالی ووڈ اسٹار شکتی کپور کا شمار سلور اسکرین کے ان مخصوص اداکاروں میں ہوتا ہے جنہوں نے جو بھی کردار ادا کیے وہ فلم دیکھنے والوں کے لیے یاد گار بن گئے۔ ہر شعبہ میں کچھ لوگ ایسے ہوتے ہیں کہ جن میں خدادداد صلاحیتیں موجود ہوتی ہیں۔
فلم انڈسٹری میں بھی بہت سے ایسے فنکار موجود ہیں جن کی اداکاری میں بناوٹ نظر نہیں آتی بلکہ ہر کردار کو وہ اس قدر دل لگاکر کرتے ہیں کہ وہ حقیقت کا روپ اختیار کرلیتا ہے۔
انہی میں سے ایک اداکار ہیں شکتی کپور ، جنہوں نے منفی کردراوں سے شہرت حاصل کی لیکن مزاحیہ کردار نگاری میں بھی انھوں نے کمال کردیا۔ 3ستمبر1958کو دہلی میں پیدا ہونے والے شکتی کپور کااصل نام سنیل سکندر لال کپور ہے۔
شکتی کپور کا تعلق پنجابی خاندان سے ہے۔ ان کے والد کناٹ پلیس میں ایک ٹیلر کی دکان چلاتے تھے۔
شکتی کپور کا نام انھیں ادکار سنیل دت نے دیا۔ انھوں نے ہی شکتی کپور کو اپنی پہلی فلم’’ راکی‘‘ میں متعارف کرایا۔ فلمی دنیا کے ابتدائی دور میں انہوں نے چھوٹے کردار ادا کیے۔ سن 1980 کے دور میں انھیں فلم انڈسٹری میں شہرت ملنی شروع ہوئی۔
اسی سال ان کی فلم’’ راکی‘‘ اور’’ قربانی‘‘ نے زبردست کا میابی حاصل کی ۔ یہ ان کے فلمی سفر کی بلاک بسٹر فلمیں تھیں۔ ان دونوں فلموں میں انہوں نےمنفی کرداردادا کیا ، جو شایقین نے بے انتہا پسند کئے۔
