بالی ووڈ کے سینئراداکار رشی کپورنے طویل علالت کے بعد 30اپریل 2020کواس دنیا کوہمیشہ کیلئے الوداع کہہ دیا۔انہوں نے جمعہ کوایک اسپتال میں آخری سانس لی۔رشی کپورکے انتقال سے ملک وبیرون ملک میں غم کی لہردوڑگئی ہے۔ملک وبیرون ملک کے فلمی ستارے سوشل میڈیا پراظہارتعزیت کررہے ہیں۔اس موقع پرپاکستانی اداکارہ ماہرہ خان نے بھی رشی کپورکویادکیاہے۔
اداکارہ ماہرہ خان نے رشی کپورکے انتقال پرایک تصویرپوسٹ کی ہے، اس میں انہوں نے لکھاکہ زندگی آپ کیلئے بہت چھوٹی تھی لیکن آپ ہمیشہ اس سے زیادہ بڑے تھے۔
View this post on Instagram
ماہرہ نے رشی کپورکے انتقال پرانہیں یادکرتے ہوئے ان کی ایک تصویرپوسٹ کی۔اس فوٹومیں رشی کپورمسکراتے ہوئے نظرآرہے ہیں۔فوٹوشیئرکرتے ہوئے ماہرہ خان نے کیپشن لکھا”زندگی آپ کے لئے بہت چھوٹی تھی۔آپ ہمیشہ اس سے کہیں بڑے تھے۔آپ کیلئے شکریہ۔آپ ہمیشہ ہمارے دل میں رہیں گے“۔
بالی ووڈ اداکار رشی کپور کولیکراداکارہ ماہرہ خان کاتعزیتی پیغام سوشل میڈیاپرخوب وائرل ہورہاہے۔لوگ اوران کے مداح اس پرخوب تبصرے بھی کررہے ہیں۔
