نئی دہلی:بالی ووڈ کی سب سے سنجیدہ اداکارہ تبواپنا جنم دن 4نومبرکومناتی ہیں۔ 4نومبر 1971کوپیداہوئیں تبوکااصل نام تبسم فاطمہ ہاشمی ہے لیکن فلمی دنیامیں انہوں نے اپنانام تبوکا انتخاب کیا۔تبوتین دہائی سے انڈسٹری میں فعال ومتحرک ہیں۔
تبو فلم انڈسٹری میں کسی تعارف کی محتاج نہیں ہیں اورفنی کریئرمیں اب تک کئی نامور اداکاروں کے ساتھ اداکاری کے جوہردکھاچکی ہیں۔
تبوکوآخری بار سلمان خان کے ساتھ فلم ’بھارت‘ میں دکھائی دی تھیں۔ناظرین نے اس فلم میں ان کی اداکاری کوکافی پسند کیاتھا۔بتوتمل، تیلگو، ملیالم،بنگلہ زبان اورساتھ ہی ایک امریکی فلم میں بھی کام کیاہے، لیکن بنیادی طورپر انہو ں نے ہندی فلموں میں ہی اداکاری کی ہے۔
وجے پتھ، مقبول، فطور، چاندنی بار اورحیدرجیسی فلموں میں اداکاری کالوہامنواچکیں تبو4نومبرکوجنم دن منانے جارہی ہیں۔
سوشل میڈیاپران کے مداح انہیں آج ہی سے وش کررہے ہیں اورمبارکباد کا پیغام بھی بھیج رہے ہیں۔واضح ہوکہ انہوں نے ابھی تک شادی نہیں کی ہے۔
